I Jotunheimen finn du fjellski-terreng som passar både nybyrjarar, drevne fjellskientusiastar og barnefamiliar - anten du vel å gå for dei høge toppane eller slake vidder og langstrekte dalar.
Det er lite som slår vårskiturar i høgfjellet - med varmande sol i fleisen og mjuk snø under skia. På dagar når høgdeforskjellen er låg, kilometrane mange og føret er skarpt, er fjellski med mjuke skinnsko både lettvektig og stødig turutstyr.
Følg kvisten frå hytte-til-hytte: Om du legg ut på ei fleirdagars-vandring frå kvist til kvist i indrefileten av den norske fjellheimen, ventar ei varm hytte, peiskos og 3-retters middag i enden av kvar dagsmarsj!
Om vinteren blir nemleg dei mest brukte vinterrutene i fjellet i Sør-Norge merka med kvist. Rutene er kvista av erfarne fjellfolk som veit kor det er trygt og best å gå!
Sjekk ut DNT Oslo og Omegn sitt kvistekart for å få oversikt over kva ruter som er merka!
Om du ynskjer ein moderne «toppturvariant» av hytte-til-hytte-tur, bør du sjekke ut Haute Route Norge - Høgruta Jotunheimen, som søker mot dei høgaste toppane, på jakt etter fin snø og fine nedkøyringar. Du kan òg gå Høgruta som ei «Lågrute», frå kvist til kvist mellom hyttene Bessheim/ Gjendesheim Turisthytte DNT - Memurubu – Glitterheim Turisthytte– Spiterstulen – Leirvassbu og Krossbu Turisthytte.
Klassikeren på fjellski er ein 5-dagars fjellskitur i hjertet av Jotunheimen nasjonalpark. Ruta følger merka vinterløyper mellom betjente turisthytter. Heile ruta er på totalt ca. 100 km, med dagsetapper som varierar i lengde frå 14 – 26 km.
▪️ Dag 1: Gjendesheim Turisthytte DNT til Glitterheim Turisthytte
▪️ Dag 2: Glitterheim Turisthytte til Spiterstulen
▪️ Dag 3: Spiterstulen til Leirvassbu
▪️ Dag 4: Leirvassbu til Gjendebu Turisthytte DNT
▪️ Dag 5: Gjendebu Turisthytte DNT til Memurubu eller attende til Gjendesheim Turisthytte DNT.
Les om Klassikeren i Jotunheimen her!
Ut.no | Sjå kart og les meir om turen her!
Med fjellski på føtene har du mange moglegheiter i høgfjellet, anten du vil på fjellskitur i preparerte skispor, over snødekte vidder og brear, eller opp til ein topp for å suse ned att på laus hæl. Om du er uerfaren, eller ikkje har tid til å planlegge detaljane for turen din, har vi mange dyktige guidar som kan ta deg med syne deg fjellski-perlene i Jotunheimen.
Kva er fjellski?
Medan langrennsski egnar seg i preparerte løyper og toppturutstyr er best når du skal gå opp på eit fjell og køyre ned att, er fjellski laga for det vi tenkjer på som den opphavelege bruken av ski, nemleg å ta seg effektivt fram i snødekt terreng, i upreparert snø av alle slag. Nokon typar fjellski kan nyttast i løypenett og skuterspor, medan andre fjellskimodellar er enklare å svinge med og orientert mot telemarkkøyring og topptur.
Fjellskia er generelt stødigare enn langrennsski - da dei er breiare og har stålkantar, og lettare enn toppturski. Dei er dessutan skapt for god framdrift - slik at du enklare kan bevege deg framover over ei lengre strekning, kanskje med pulk eller sekk på ryggen. På høgfjellet bruker ein gjerne heil-eller halvfeller under skia, for feste. Desse riv ein enkelt av om ein har gått opp i bratt terreng, og skal køyre ned att.
Jotunheimen, Gjendealpene og Sognefjellet byr på suverent fjellskiterreng. Vil du på fjellskitur, finn du inspirasjon og konkrete turforslag under:
.png){kind=icon}
.png){kind=icon}
