Topptur på ski: Besseggen vintertur

Om

Har du sett den Gjendin-eggen nokon gong - kledd i kvitt? Kvart år går nærmare 60.000 den klassiske fjellturen over Besseggen i Jotunheimen. Om vinteren kan du ha eggen for deg sjøl.

Beste utgangspunkt: Bessheim eller Gjendesheim
Høgdeforskjell: Ca.743 meter
Antatt tidsbruk: 8-9 timer (tur-retur). Totalt 20 km. 
Ver obs på: Det kan vere isete og glatt oppover sjølve eggen. Isøks og stegjern kan vere lurt. 
Utstyr: Normalt toppturutstyr + isøks, stegjern og evt. skarejern 
Anbefalt skiutstyr: Fjelltelemark, randonnée og fjellski.
Vegval: Opp til Bessvatnet, og over vatnet på langs - frem til "Bandet", vidare oppover sjølve eggen, og ned att til startpunktet.
 

Besseggen ligg aust i Jotunheimen, mellom vatna Gjende og Bessvatnet. Turen startar med ski på føtene ved Gjendesheim eller frå Bessheim i slak motbakke opp til Bessvatnet, cirka ein times gange. Innsjøen Bessvatnet ligg 1374 meter over havet og er om sommaren kjend for si klare blåfarge som står i sterk kontrast til det grøne Gjendevatnet på andre sida av eggen. På denne tida av året; solid kamuflert av eit tjukt og vanlegvis vandringssikkert islag. 

Denne turen egnar seg med toppturustyr, men grunna lang travers over Bessvatnet, er fjellski å anbefale. 

Turen opp til Bessvatnet tek ca. 1 time. Gå deretter over Bessvatnet på langs, totalt 6 kilometer. Du kjem fram til «Bandet» mellom dei to vatna. Her kan du nyte utsikta og ta ein matpause, før du tek skia på sekken opp sjølve eggen. Sekken lyt ha system for å feste skia. Stegjern kan vere lurt. Det er også smart å feste stavane på sekken, slik at du har frie armar til å klyve oppover fjellryggen. Det er vanlegvis greit å gå, men pass på kor du set føtene. Det kan vere glatt enkelte stader. 

Vidare går turen opp til turen sitt høgaste punkt, Veslfjellet (1743 moh.) før nedkjøyring mot Bessvatnet - eller litt meir mot ski høgre og ned att til startpunktet. Dette varierer frå år til år ut i frå snømengde.

Gira på guida tur over Besseggen?
Du kan kontakte guide - og aktivitetsselskapa som vi samarbeider med - som tek deg trygt opp eggen, etter anmarsj på fjellski, randonee eller splitboard frå Bessheim via Bessvatnet.

Merk at turen er krevjande, men dei fleste i normal fysisk form klarer turen. Du må bare være førebudd på følgjande:

- Ein er ute på tur i 8-9 timar.

- Går i underkant av 20 km.

- Har du høgdeskrekk så skal du ta turen om sommaren, før du vurderar å melde deg på vinterturen.

- Været forandrar seg fort i høgfjellet og det kan vere alt i frå t-skjorte-temperatur ned til -32.

- På sjølve Besseggen er det som oftast nokså bart. Men dersom det er nysnø eller isete må du vera forsiktig.