Transport til Jotunheimen

 Korleis kome seg til Lom og Jotunheimen? 

Lom ligg i Nord-Gudbrandsdalen i Innlandet fylke, og grensar til Vågå, Skjåk, Luster, Vang og Lesja. Alle vegar fører til Lom – nesten. Frå her tek det 4-5 timar til Oslo, Bergen og Trondheim med bil, og ein time med bil/buss til Otta, som har togsamband nord- og sørover. Fleire busselskap fraktar deg til dei fleste reisemål i Midt-Norge. På eit par timar er du i Geiranger, og vegen over Sognefjellet fører fram til Luster, som ligg i botnen av den lengste fjordarmen på Vestlandet. 

Lom og Jotunheimen nasjonalpark ligg midt i hjartet av Norge, og er lett tilgjengeleg frå landets største byar; Oslo, Bergen og Trondheim. Rundkøyringa midt i sentrum, på Bergom, er eit naturleg knytepunkt mellom aust og vest, og om sommaren kan du køyre over spektakulære fjellovergangar for å kome hit. Merk deg at både Valdresflye (Fv.51) og Sognefjellsvegen (Fv. 55) er vinterstengt delar av året.

Finn oppdatert trafikkinfo her: Fjellovergangar - Statens vegvesen

Reiser du kollektivt er dette ein rimeleg og miljøvennleg måte å kome seg til Lom og Jotunheimen på. Det går buss mellom Otta, Vågå, Lom og Skjåk gjennom heile året. Om sommaren, frå midten av juni, blir det òg satt opp eigne fjellruter, som køyrer deg til ein del av turisthyttene til fjells.

Bil:

Om du kjem til området med eigen bil: 

Frå Oslo (ca. 35 mil) : Følg E6 til Otta, sving av til venstre og inn på Rv. 15 og følg denne til Lom. 
Eventuelt kan ein køyre E16 via Hønefoss, og frå Fagernes køyre Fv. 51 over Valdresflya og til Lom. 
Frå Trondheim (ca. 28 mil): Følg E6 til Strand på Sel (før Otta), ta av på Fv. 438 og fylg denne til du kjem inn på Rv. 15. Denne kan du følgje til Lom. Eventuelt kan ein køyre via Otta. 
Frå Bergen (ca. 35 mil): Følg E16 via Lærdal. Deretter kan ein køyre via Sogndal eller Årdal og Tindevegen til Turtagrø. Frå der går vegen over Sognefjellet, Fv. 55, og til Lom. 

Tog:

Otta er nærmaste togstasjon for Lom. Hit kan du ta tog frå både Oslo og Trondheim. Det går fleire tog som passar godt med buss-avgangar frå Otta, både frå retning Oslo og Trondheim. For å finne tog- og bussavgangar som korresponderar godt, sjå:
Entur - nasjonal reiseplanlegger.

For meir info om tog, sjå: 
VY | https://www.vy.no/

Buss:

Du kan kome deg til Lom med daglege ekspressbussar frå Oslo, Bergen og Trondheim. Om sommaren tek lokale fjellruter deg til fleire fjellhytter og startpunkt for populære fjellturar. 

Alle fjellrutene finn du her:
Innlandstrafikk | https://innlandstrafikk.no/reise/fjellruter/

Andre bussruter:
Nor-way bussekspress | https://www.nor-way.no/nb-NO og  /www.nor-way.no/valdresekspressen
Om sommaren køyrer Valdresekspressen dagleg til Gjendesheim- fram til haustferien.

Vy-buss: Vy har fleire ruter som går via Lom. 
Meir info her!

En-tur | en-tur.no/
Nasjonal reiseplanlegger - Søk enkelt etter kollektivreiser med den nasjonale reiseplanleggjaren: www.en-tur.no. 

Søk reise her:

 

Jotunheimen turbusser

Har du og vennegjengen eller firmaet ditt tenkt deg til fjells og treng transport? Jotunheimen Turbusser AS er alltid klare for å frakte folk til og frå fjellet. 

Jotunheimen Turbusser er eit reiseselskap som har base i fjellbygda Vågå. Dei har følgande bussar tilgjengeleg: 
- Stor buss 46 seter
- Stor buss 49 seter
- Stor buss 58 seter
- Minibuss 16 seter
+ sjåfør

Ta kontakt for tilbod eller bestilling av tur: 
Tlf: +47 907 88 629
jotunheimenturbusser@yahoo.no

Høgrutabussen:

- tek deg til fjells - og ned att! 

"Høgrutabussen" er ein minibuss med plass til 16 personar inkludert bagasje. Dersom det er mykje bagasje, kan bussen ta med ein ekstra hengar utan ekstra kostnad. Høgrutabussen er ein bestillingsbuss, på same måte som ein taxi, og har faste prisar uavhengig av antalet passasjerar. 
Du bestiller minibussen med sjåfør. 

Booking via Circle K i Lom:
Tlf: +47 462 17 000
 

Taxi:

Lom taxi | Celi Kolden | +47 909 03 014
Skjåk taxi | + 47959 50 940
Vågå taxi | Jan Visdal |  +47 959 50 980

Båt:

Om sommaren går det båt på Gjende og Bygdin som tek deg til nokre av dei meste populære turane i området, som Besseggen.

Gjendebåten transporterar kvar sommar tusenvis av ivrige fjellvandrarar til poulære turområder rundt Gjende - med Besseggen som hovudattraksjon. Båten går mellom Gjendesheim, Memurubu og Gjendebu. 

Meir informasjon, og bestilling av billettar her:
Gjendebåten: www.gjende.no

«M/B Bitihorn» går i fast rute på innsjøen Bygdin kvar sommar. Båten går mellom Eidsbugarden - Torfinnbu - og Bygdin med 2 avganger kvar dag, og korresponderar med offentleg transport til og frå Fagernes.

JVB: www.jvb.no/bitihorn 

Bensinstasjonar:

Det er to bensinstasjonar i Lom nasjonalparklandsby; Circle K og Esso Lom. Her sel dei gatekjøkenmat og har noko utval av daglegvarer til sals. På Esso finn du òg tømmestasjon for campingbil.