Lokalmat og gardsutsal

Lom og Jotunheimen kan freiste med eit bredt utval lokalmat frå bønder, jegarar og fiskarar frå heile regionen. Gamle tradisjonar og foredling av kortreiste råvarer har alltid vore ein viktig del av kulturen, og det er noko som fortsatt blir verdsatt.

Det er ein rein lokalmatbutikk i Lom; Smak i Lom. Her får du kjøpt alt frå småskalaproduserte ostar og spekepølse av rein, til råpressa saft og ekte handverksøl. Om du besøker Lom bryggeri i Lia i Lom, får du kjøpt godsakar frå bryggeriet og lokalmat frå Grjotheim gårdsmat med mellom anna kortreist svinekjøt av gris som har gått ute i Grjotheim. I tillegg finn du òg eit utval lokalmat på Brimibue og på daglegvarebutikken Coop Extra.

Litt utanfor sentrum finn du Nordgard Aukrust som driv økologisk gardsproduksjon med grønnsaker, te og krydderier. Hit kan du dra om sommaren, og elles er produkta å finne i butikkhyllene på Smak i Lom. Vil du oppleve ekte sæterliv og sjå og lære korleis maten vert laga før i tida? Da kan du besøkje Brimi Sæter, kor dei mjølker kyr og lagar ost, rømme og den tradisjonelle pultosten i ysteriet på setra. Dei har også utsal av sine produkt, og meir lokalmat, på Parklund i Garmo, eit kvarter med bil frå Lom sentrum.