Ingen norske fjell tek deg høgare på ski. Finn fram feller og toppturski, og oppsøk skieldoradoet Jotunheimen.
Nybyrjar eller ekstrem frikjøyrar. Det spektakulære og varierte terrenget mettar skihungeren uansett nivå. I Jotunheimen kan du gå alt i frå stutte dagsturar i slakt terreng til den spektakulære Høgruta i Jotunheimen, Noreg sitt svar på alpanes Haute Route. Dette er ein femdagarstur gjennom eit av landet vårt sine flottaste fjellområde.
Guiding og turprogram:
Frå januar til mai kan du delta på eit breitt utval aktivitetar rundt om i Jotunheimen. På programmet har vi alt frå enkle toppturar til den meir krevjande Høgruta, toppturpakker med overnatting og servering og ulike kurs og foredrag.
Sjå aktivitetskalenderen her!
Mat og overnatting:
Vil du sove på hotell eller hytte sentralt i Lom, eller på ei fjellstuggu kor du kan spenne på deg skia rett utafor døra? Jotunheimen og omegn byr på eit rikt utval av overnattingsstader. Kultur og tradisjonell mat har dessutan stort fokus i området, så her ventar smakfulle opplevingar òg etter skituren.
Lyst til å teste ein ny aktivitet i fjellet, men manglar utstyr?
Da kan du leige fullt toppturutstyr hos Sport 1 Lom. Treng du ny turbekledning? I Lom finn du eit breitt utval av utstyr, både for sal og utleige.
.png){kind=icon}
.png){kind=icon}
