Vi ynskjer at Lom og omegn skal vere for alle, òg for dei med redusert funksjonsevne – difor er dette eit viktig arbeidsområde i vår reisemålsstrategi. Vi jobber med å finne gode metoder for kartleggjing og synleggjering av dei tilboda vi har, samstundes som at vi ynskjer å utvikle nye, tilrettelagte tilbod.
I Lom sentrum har vi Bergomsrunda som stort sett er tilgjengeleg for både rullestol og barnevogn. Her er det eitt område ved Utleggsbrua (punkt nummer 16 på kart over Fotturar i Lom Nasjonalparklandsby – Bergomsrunda) som diverre er litt krevjande, med bratt stig på sida mot Lom Stvakyrkje, og trinn på båe sider av brua. Elles er det fint å ta turen oppom frå Bergomsrunda opp til Lom bygdamuseum – Presthaugen, som i 2023 fekk ny gangstig og belysning som egner seg godt for rullestol og barnevogn.
Om ein ynskjer seg tur til fjells, er den tilrettelagte turstigen ved Sognefjellshytte eit svært godt alternativ. Dette er ein rundtur på om lag ein kilometer, med planert og grusa gangstig for at alle skal kunne ta seg fram. Stigen er knytt saman av ei spektakulær strekkbandbru over Fantesteinsvatnet.
Når vi har fått kartlagt tilrettelegginga hjå alle våre medlem, vil vi publisere dette på nettsida vår, slik at det blir enkelare for kvar og ein å planleggje sin tur til Lom best mogleg ut frå sitt utgangspunkt. Vi tek gjerne imot innspel om tilrettelegging, både om noko er bra, eller om noko burde vore betre. Ta kontakt her.
.png){kind=icon}
.png){kind=icon}
