Nasjonal turistveg Valdresflye (FV 51)

Om

Nasjonal turistveg Valdresflye (fylkesveg 51) går mellom Garli og Hindsæter med avstikkar til Gjende. Strekninga er 49 kilometer lang. Vegen er eit godt alternativ om du skal nordover, eller du kan legge den inn som ein del av mange rundturar.

Om Valdresflye:
Valdresflye er ei høgfjellsvidde i Øystre Slidre kommune i Innlandet fylke. Vidda ligg heilt aust i Jotunheimen. Fylkesvei 51 går over vidda i nord–sør-retning. Det høgaste punktet på vegen ligg 1389 meter over havet, og gjer dette til Norge sin nest høgast beliggande fjellovergang og veg for vanleg ferdsel etter Sognefjellet med 1434 m. Om vinteren har du tilgang på ei rekkje 2000-meterstoppar i området rundt vegen, og Valdresflye er difor populært for toppturar på fjellski og randonnee, og for vandring om sommaren. 

Sykling på Valdresflye: 
Å sykle over Valdresflye er ei stor oppleving. Vegen går langs austsida av Jotunheimen, og vart bygd for å bringe folk til fjells. Vil du stoppe og speide etter rein, er det fleire utkikksplassar langs vegen. Her kan du la pedalane gå og kjenne på kjensla av å fly frå toppen og ned forbi Gjende. Utsikta innover fjelltoppane i Jotunheimen er uslåeleg. Kaffe og kake på Beitostølen, Bygdin og Bessheim om beina treng det. Meir info her: Vegtur.no

Historia:
Å byggje vegar i fjellet var med på å binde dei forskjellige delane av landet saman. Fleire fikk oppleve fjellet, og vegane var til stor nytte for stølsdrifta. Dei fleste fjellvegane i Norge har altså heilt frå dei vart bygde vore viktige for reiselivsnæringa, og gjort det råd for oss å kome oss til fjells på ein enkel og trygg måte. Valdresflya er eit godt eksempel på ein slik veg.

Vintervarsel: Deler av veien mellom Garli og Maurvangen er stengt om vinteren (adkomst til Gjendesheim denne perioden er fra Randen (Vei 51) eller Sjoa (Vei 257)). Tidligere stenginger er 15. desember og 9. januar. Tidligere åpninger er 22. mars og 5. april.NOTE!Etter åpning kan veien være stengt i en periode om natten og ved dårlig vær.

Køyrande må være oppmerksame på tamrein på strekninga 

Kjelde: nasjonaleturistvegar.no