Gåver og interiør

I Lom sentrum finn du gåver og interiør – både til deg sjølv og andre. Her får du kjøpt unikt handarbeid og kunst, så vel som blomster og design frå kjende merkevarer.

På Fjoset har dei både klede, smykker, garn og interiør - og mange gode gåveidear. Her finn du både nytt og gamalt design, ull-plagg for liten og stor, dameklede, vakre pledd, knaggar, te, kopper og krus. Er du på leit etter noko for fjellfanten, har dei turkart, bøker for store og små, suvenirar, leiker og smykker på Norsk fjellsenter. Dei har òg mykje gøy for dei minste, mellom anna puslespel og bamsar. 

Steingal? 
Er du ute etter noko heilt spesielt, anten til deg sjølv eller til andre, bør du ta ein tur innom Fossheim steinsenter. Her finn du eit rikt utval av handlaga smykker, vaser og veggklokkar produsert av norsk stein - alle med si eiga unike historie. Steinsenteret har landets største utstilling av mineraler, og dei tilsette sitt på enormt mykje kunnskap om temaet. 

Spiselege gåver:
Ei rekkje butikkar og restaurantar sel spiselege gåver. Ta ein tur innom lokalmatbutikken Smak i Lom for å finne heilt unike lokale mat- og drikkevarer.